Тариаланчид, үндэсний шилдэг хүнсний үйлдвэрлэгчид Монгол Улсын Ерөнхийлөгч У.Хүрэлсүхийн санаачилсан “Хүнсний хангамж, аюулгүй байдал” үндэсний хөдөлгөөний хүрээнд олсон ололт, амжилтаа дүгнэн, цаашдын зорилгоо хэлэлцэж, шилдгүүдээ тодруулах “Ургацын баяр-2023” ёслолын арга хэмжээ “Корпорэйт конвеншн центр”-т 2023 оны 12 дугаар сарын 6-нд боллоо.

Баярын хуралд Монгол Улсын Ерөнхийлөгч Ухнаагийн Хүрэлсүх оролцон хүнс үйлдвэрлэгчид, баялаг бүтээгчдэд талархал илэрхийлж амжилт хүсэн ерөөв.

Арга хэмжээнд нийслэл, 21 аймгийн хүнс, хөдөө аж ахуйн салбарын баялаг бүтээгчид, нөхөрлөл хоршоод болон ХХАА-н салбарын үе үеийн ахмад зүтгэлтнүүд, хүнсчид, технологичдийн 800 гаруй төлөөлөл оролцож “Хүнсний хувьсгал” үндэсний хөдөлгөөн төдийгүй хүн амынхаа эрүүл мэндийн төлөө хүнсний аюулгүй байдлын шаардлага хангасан бүтээгдэхүүн үйлдвэрлэж, дотоодын хэрэгцээг хангахад үнэтэй хувь нэмэр оруулсан “Хүнс, хөдөө аж ахуйн салбарын шилдэг үйлдвэрлэгчид”-ээ алдаршуулав. Шилдэг 35 үйлдвэрлэгчдэд Монгол Улсын Ерөнхийлөгчийн нэрэмжит цом, Хүнс, хөдөө аж ахуй, хөнгөн үйлдвэрийн сайдын нэрэмжит өргөмжлөлийг гардууллаа.

Хүнсчдээ алдаршуулж буй анхны бөгөөд түүхэн шагналыг Монгол Улсын Үндэсний аюулгүй байдлын зөвлөлийн нарийн бичгийн дарга Ж.Энхбаяр, Ерөнхийлөгчийн Үйлдвэр үйлчилгээний бодлогын зөвлөх Ч.Даваабаяр, Ерөнхийлөгчийн Эдийн засгийн бодлогын зөвлөх Б.Даваадалай, ХХААХҮЯ-ны Сайд Х.Болорчулуун, УИХ-ын гишүүн, Байгаль орчин, хүнс, хөдөө аж ахуйн байнгын хорооны дарга Ж.Батжаргал, ХХААХҮЯ-ны Төрийн нарийн бичгийн дарга Т.Жамбалцэрэн нар гардуулан өглөө.

ХҮНС, ХӨДӨӨ АЖ АХУЙН САЛБАРЫН НИЙСЛЭЛИЙН ШИЛДЭГ ҮЙЛДВЭРЛЭГЧЭЭР:

1. Мах, махан бүтээгдэхүүн үйлдвэрлэгч Траст трейд ХХК,
2. Мах, махан бүтээгдэхүүн үйлдвэрлэгч Очир дагинас ХХК,
3. Гурилан бүтээгдэхүүн үйлдвэрлэгч Талх чихэр ХК-ийн “КРУАССАН” брэнд,
4. Сүү, сүүн бүтээгдэхүүн үйлдвэрлэгч Үлэмж органик ХХК,
5. Сүү, сүүн бүтээгдэхүүн үйлдвэрлэгч Сүү ХК,
6. Шингэн хүнс үйлдвэрлэгч Витафит ХК-ийн Монгол луувангийн бүтээгдэхүүн,
7. Гоймонгийн үйлдвэрлэгч Грийн индастри ХХК-ийн “ЛАПША”, “ТАЛЫН МОНГОЛ” брэнд,
8. Хүлэмжийн аж ахуйн үйлдвэрлэл Төгс ургац ХХК,
9. Ногооны аж ахуй эрхлэгч Их булгийн тохой ХХК,
10. Ургамлын тос үйлдвэрлэгч Майнд тэч ХХК,
11. Тахианы аж ахуй эрхлэгч Баялаг тахиа ХХК,
12. Давс үйлдвэрлэгч Гэгээ фүүдс ХХК-ийн “АМЬД ЭРДЭС” брэнд,

ХҮНС, ХӨДӨӨ АЖ АХУЙН САЛБАРЫН ОРОН НУТГИЙН ШИЛДЭГ ҮЙЛДВЭРЛЭГЧЭЭР:

1. Архангай аймгийн сүү, сүүн бүтээгдэхүүн үйлдвэрлэгч Багарашаант ХХК,
2. Баян-Өлгий аймгийн мал төхөөрөх, мах боловсруулах үйлдвэр Азат ХХК,
3. Баянхонгор аймгийн сүү, сүүн бүтээгдэхүүн үйлдвэрлэгч Шалса рожа ХХК-ийн “ТУГАЛХАН” брэнд,
4. Булган аймгийн газар тариалан, хүнс үйлдвэрлэлийн баялаг бүтээгч Гурванборхууд ХХК,
5. Говь-Алтай аймгийн сүү, сүүн бүтээгдэхүүн үйлдвэрлэгч Энхтаян ХХК,
6. Говь-Сүмбэр аймгийн газар тариалан, хүнс үйлдвэрлэгч Оорцог элгэн хоршоо,
7. Дархан-Уул аймгийн хүнс үйлдврлэгч Дархан халдун ХХК,
8. Дорноговь аймгийн цайны үйлдвэр Далд мөнгөн шанд ХХК-ийн “ЗАГАСГАЛ” брэнд,
9. Дорнод аймгийн сүү, сүүн бүтээгдэхүүн үйлдвэрлэгч Найнги хүнс ХХК,
10. Дундговь аймгийн гурил, гурилан бүтээгдэхүүний үйлдвэрлэгч Говийн гэгээ ХХК,
11. Завхан аймгийн хүнс үйлдвэрлэгч Завхан баялаг ХК,
12. Орхон аймгийн мах боловсруулах үйлдвэрл Эрдэнэт мах маркет ХХК,
13. Өвөрхангай аймгийн мал төхөөрөх, мах боловсруулах үйлдвэр Итгэлт хүнс трейд ХХК,
14. Өмнөговь аймгийн гурил, гурилан бүтээгдэхүүн үйлдвэрлэч Ганган тайж ХХК,
15. Увс аймгийн хүнс үйлдвэрлэгч Увс хүнс ХК,
16. Сүхбаатар аймгийн мах боловсруулах үйлдвэр Дарьт шүтээн ХХК,
17. Сэлэнгэ аймгийн газар тариалангийн баялаг бүтээгч Өгөөж мандал уул ХХК,
18. Сэлэнгэ аймаг дахь Монгол бяслагны үйлдвэр “ХОНИН НУГА” брэнд,
19. Төв аймгийн газар тариалангийн баялаг бүтээгч Цээлийн хур ХХК,
20. Төв аймгийн газар тариалангийн баялаг бүтээгч Жаврай үр ХХК,
21. Ховд аймгийн сүү, сүүн бүтээгдэхүүн үйлдвэрлэгч Хан алтайн инээмсэглэл ЗБН ,
22. Хөвсгөл аймгийн гурилан бүтээгдэхүүн үйлдвэрлэгч Аяны жолоо ХХК,
23. Хэнтий аймгийн мах, махан бүтээгдэхүүний үйлдвэрлэгч Метагро ХХК шалгарлаа.

“Хүнсний хувьсгал”-д нэгдэж, эх орныхоо хөгжлийн төлөө хоёргүй сэтгэлээр хамтран зүтгэж буй үндэсний үйлдвэрлэгчид, баялаг бүтээгчиддээ халуун баяр хүргэе!

Энэхүү арга хэмжээг жил бүр уламжлан болгон зохион байгуулж, аж ахуйн нэгжүүдийн хүнсний аюулгүй байдлын зохистой дадал, стандартыг нэвтрүүлсэн байдал, тухайн жилд шинээр бий болгосон ажилчдын тоо, санхүүгийн үзүүлэлтүүд, компанийн нийгмийн хариуцлагын хүрээнд хийсэн ажлуудыг урамшуулан олгоно.