XVII жарны “Хилэнт эх” хэмээх модон луу жилийн Цагаан сарын баярыг тохиолдуулан Монгол Улсын Ерөнхийлөгч Ухнаагийн Хүрэлсүх зарлиг гарган эрхэлсэн ажилдаа амжилт гаргаж, эх орныхоо хөгжил дэвшилд үнэтэй хувь нэмэр оруулан зүтгэж буй хүнс, хөдөө аж ахуй, хөнгөн үйлдвэрийн салбарын баялаг бүтээгч, үндэсний үйлдвэрлэгчдэд төрийн дээд одон, медаль хүртээв.

АЛТАНГАДАС ОДОНГООР:

• “Монгол Савхи” компанийн Ерөнхий технологич, аж үйлдвэрийн ахмад зүтгэлтэн Даянжавын Цэцгээ,
• “Өлзий хаалга” ХХК-ийн Захирал Байгаль-Эрдэнийн Ариунболд,
• “Альфа Филтер” ХХК-ийн компанийн Борлуулагч Өвгөнхүүгийн Баттогтох,
• “Тод Оймс” ХХК-ийн Жолооч Мөнхийн Эрдэнэболд,

ХӨДӨЛМӨРИЙН ХҮНДЭТ МЕДАЛИАР:

• “Мон лабел” ХХК-ийн Үйлдвэрийн дарга Жамъяангийн Нармандах,
• “Их Монгол ФМ” ХХК-ийн Гүйцэтгэх захирал Оюундалайн Цацрал,
• “Баян хийц” ХХК-ийн Менежер Даваадоржийн Амарбаясгалан,
• “Тод Оймс” ХХК-ийн Борлуулалт, үйлчилгээний менежер Долгорсүрэнгийн Тунгалаг,
• “Тод Оймс” ХХК-ийн Нягтлан бодогч Дамдинпүрэвийн Амаржаргал,
• “Тод Оймс” ХХК-ийн Цехийн мастер Парчингийн Гүррагчаа нарыг шагналаа.

Шагналыг Монгол Улсын Ерөнхийлөгчийн Үйлдвэр, үйлчилгээний бодлогын зөвлөх Ч.Даваабаяр гардуулан өглөө. Ёслолын ажиллагаа Туулай жилийн сүүлийн өдөр буюу билэгт сайн Битүүний өдөр Төрийн ордонд болж өндөрлөлөө.