Монгол Улсын Ерөнхийлөгч У.Хүрэлсүхийн санаачилсан “Хүнсний хангамж, аюулгүй байдлыг хангах талаар авах зарим арга хэмжээний тухай” 114 үйл ажиллагаа бүхий УИХ-ын 36 дугаар тогтоолыг хэрэгжүүлэхэд төр, захиргааны 35 байгууллага биечлэн болон хамтран хэрэгжүүлэх үүрэгтэй.

Энэ хүрээнд Ерөнхийлөгчийн Тамгын газрын Хүнсний төсөл, хөтөлбөрийн албаны дарга В.Мөнгөнсүх ЗТХЯ-ны ХШҮДАГ-н дарга Х.Оюунтуяа, ЗТХЯ-ны Авто тээврийн бодлого зохицуулалтын газрын дарга Э.Мөнхнасан, ГЕГ-ын дэд дарга Г.Энхтайван, “Автотээврийн үндэсний төв”-ийн ТӨҮГ-ын ачаа тээврийн хэлтсийн дарга О.Энхбат болон , АТҮТ ТӨҮГ-ын Мэдээлэл технологийн хэлтсийн дарга Ц.Эрдэнэчулуун нарыг хүлээн авч уулзлаа.

Уулзалтаар 36-р тогтоолд тусгагдсан дараах ажлуудын үйл явц, цаашдын төлөвлөгөөг хэлэлцэж, санал солилцлоо.

• Хүнсний тээвэр, логистик, ачаа эргэлтийн бүртгэл, удирдлагын нэгдсэн цахим сан, тогтолцоог бий болгох
• Хүнсний зориулалтын тусгай тээврийн хэрэгслийн хүртээмжийг нэмэгдүүлэхэд зээл, татварын бодлогоор дэмжлэг үзүүлэх
• Хүнсний зориулалтын тусгай тээврийн хэрэгслийн парк байгуулахад дэмжлэг үзүүлэх, эрх зүйн орчныг бүрдүүлэх
• Хөдөө аж ахуй, эрүүл ахуй, үйлдвэрлэл, тээвэрлэлт, хадгалалт, худалдаа, үйлчилгээ, хоол үйлдвэрлэлд зохистой дадлыг нэвтрүүлэх, итгэмжлэгдсэн баталгаажуулалтын байгууллагын тоог нэмэгдүүлэх
• Хүнсний түүхий эд, бүтээгдэхүүний үйлдвэрлэл, нийлүүлэлтийн явцад аюулгүйн үзүүлэлтийн шаардлагыг бүрэн хангасан эсэхэд тавигдах дотоодын хяналтын тогтолцоог сайжруулах, мөрдүүлэх ажлыг үр дүнтэй зохион байгуулах